शहर विकासासाठी एकमत — अमळनेर शहर विकास आघाडीच्या उमेदवारांना चार संघटनांचा जाहीर पाठिंबा
अमळनेर :- आगामी नगरपरिषद निवडणुकांच्या पार्श्वभूमीवर शहराच्या विकासात सातत्याने काम करणाऱ्या अमळनेर तालुका व शहर विकास आघाडीला मोठा जनाधार मिळू लागला आहे. काल शहरातील विविध महत्त्वाच्या चार संघटनांनी लेखी पत्र देत आघाडीला अधिकृत पाठिंबा जाहीर केला असून यामुळे आघाडीचा विजय अधिक भक्कम होत असल्याचे राजकीय वर्तुळात स्पष्टपणे दिसून येत आहे.
मार्केट यार्ड आडत असोसिएशनचा ठाम निर्धार
अमळनेर कृषी उत्पन्न बाजार समिती परिसरात कार्यरत असणारे मोठे आणि प्रभावी संघटन म्हणून ओळखले जाणारे दि. अमळनेर मार्केट यार्ड आडत असोसिएशन यांनी शहराच्या विकासाचे स्पष्ट ध्येय ठेवून काम करणाऱ्या नेतृत्वावर विश्वास दाखवला आहे.
असोसिएशनने नगराध्यक्ष पदाचे उमेदवार जितेंद्र (जितू) ठाकूर तसेच शहर विकास आघाडीतील सर्व उमेदवारांना पाठिंबा दर्शवित आमदार अनिल पाटील, खासदार स्मिता वाघ, माजी आमदार साहेबराव पाटील आणि माजी नगराध्यक्षा जयश्री पाटील यांच्या नेतृत्वावर पूर्ण विश्वास व्यक्त केला आहे.
कामगार संघटनांचा एकमताने पाठिंबा
अमळनेरमधील कामगार वर्ग शहर विकास आघाडीच्या पाठीशी उभा राहिल्याचे कालच्या घडामोडींमुळे स्पष्ट झाले.
- अमळनेर गुमास्ता कामगार असोसिएशन
- राष्ट्रीय हमाल मापाडी कामगार युनियन
या दोन्ही संघटनांनी लेखी पाठिंबा जाहीर करून आघाडीच्या विजयाची शक्यता अधिक बळकट केली आहे. कामगार वर्गाचा असलेला प्रचंड पाठिंबा हा आघाडीच्या उमेदवारांना सरळ विजयाच्या दिशेने नेणारा ठरत आहे.
वासुदेव जोशी गोंधळी समाजाचा उत्स्फूर्त विश्वास
अमळनेर येथील वासुदेव जोशी गोंधळी समाज पंच मंडळाने देखील नगराध्यक्ष पदासाठीचे उमेदवार जितेंद्र ठाकूर व प्रभाग क्रमांक ८ मधील उमेदवार ऍड. चेतना पाटील यांच्यासह शहर विकास आघाडीच्या सर्व उमेदवारांना लेखी समर्थन दिले आहे. समाज बांधवांनी व्यक्त केलेला हा विश्वास आघाडीच्या बाजूने मजबूत वातावरण निर्माण करणारा आहे.
जनतेचा ओघ वाढतच…
आघाडीचे नगराध्यक्ष व नगरसेवक पदाचे उमेदवार तुल्यबळ, स्वच्छ प्रतिमा असलेले व विकासाभिमुख भूमिकेत ठाम असल्याने शहरातील विविध समाजघटक, व्यावसायिक वर्ग, कामगार संघटना व सर्वसामान्य नागरिकांचा पाठिंबा दिवसेंदिवस वाढत आहे.
शहर विकास आघाडीने दाखवून दिलेला विकासाचा स्पष्ट रोडमॅप, प्रामाणिक नेतृत्व आणि सातत्यपूर्ण काम करण्याची वृत्ती यांमुळे प्रचाराच्या मैदानात आघाडीचे वर्चस्व अधिक ठळकपणे जाणवत आहे.
