अमळनेर (अटकाव न्यूज):
अमळनेर शहरामध्ये गेल्या काही वर्षांपासून सुरू असलेल्या विकासकामांच्या मालिकेला आता नवीन गती मिळाली असून शहराच्या सर्वांगीण विकासाचा आलेख दिवसेंदिवस उंचावत आहे. माजी मदत व पुनर्वसन मंत्री तथा आमदार अनिल पाटील, खासदार स्मिता वाघ, तसेच माजी आमदार साहेबराव पाटील यांच्या प्रयत्नांमुळे अमळनेरचा चेहरामोहरा बदलतो आहे.
या सर्व विकास प्रकल्पांच्या पार्श्वभूमीवर नागरिकांनी अमळनेर तालुका व शहर विकास आघाडीच्या पाठीशी भक्कमपणे उभे राहण्याचे आवाहन आघाडीच्या पदाधिकाऱ्यांनी केले.
ताडे तलाव – अमळनेरचा भविष्यातील आकर्षक पर्यटन केंद्र
अमळनेर–चोपडा मार्गावरील ताडेपुरा (पैलाड) भागात असलेला ताडे तलाव अनेक वर्षे विकासापासून वंचित होता. मात्र आता राज्य शासनाच्या साडे पाच कोटींच्या निधीतून तलावाचे व्यापक सुशोभीकरण सुरू असून येथे नमो उद्यान साकारले जात आहे.
सुशोभीकरणानंतर तलाव परिसरात होणार–
- विद्यार्थ्यांसाठी ओपन जिम
- महिलांसाठी व ज्येष्ठांसाठी नाना–नानी पार्क
- मुलांसाठी खेळणी व सुरक्षित खुली जागा
- आकर्षक लाइटिंग व सुबक पायवाटा
- बैठकीची व्यवस्था व हिरवाई
चोपड्याकडून शहरात प्रवेश करताना या तलावामुळे अमळनेरची नवी प्रतिमा तयार होणार आहे. जवळच असलेल्या मंगळ ग्रह मंदिरामुळे स्थानिकांबरोबरच जिल्हा, राज्य व राज्याबाहेरील पाहुण्यांसाठी हा परिसर पर्यटनाचे नवीन केंद्र ठरणार आहे.
नवीन प्रशासकीय इमारती – नागरिकांची पायपीट थांबवणारे केंद्र
अमळनेर–धुळे राज्य मार्गावर शहराच्या मध्यभागी महसूल इमारत, प्रशासकीय इमारत आणि पंचायत समिती कार्यालय या तीनही प्रमुख इमारतींचे बांधकाम वेगाने सुरू आहे.
या प्रकल्पासाठी २५ कोटी रुपयांपेक्षा जास्त निधी खर्च केला जात आहे.
यामुळे:
- शहरातील विखुरलेली सर्व शासकीय कार्यालये एकाच छताखाली येणार
- ग्रामीण व शहरी नागरिकांची त्रासदायक धावपळ थांबणार
- कामकाजाची गती वाढून वेळेची मोठी बचत होणार
- बसस्थानकाजवळ कार्यालये असल्याने प्रवाशांना मोठा फायदा
या इमारतींच्या निर्मितीमागे दूरदृष्टी अशी की, भविष्यात अमळनेर जिल्हा झाला, तर आवश्यक प्रशासकीय सुविधा आधीच तयार राहतील.
अमळनेर बसस्थानक – आधुनिक सोयीसुविधांनी सज्ज मॉडेल डेपो
अमळनेर बसस्थानकाचा कायापालटही मोठ्या वेगाने सुरू आहे. १० कोटींच्या निधीतून आधुनिक मॉडेल बसस्थानक उभारले जात आहे.
यामुळे प्रवाशांना मिळणार–
- अत्याधुनिक प्रतीक्षालय
- स्वच्छ पाणी आणि आधुनिक शौचालय सुविधा
- डिजिटल बोर्ड व सुधारित प्लॅटफॉर्म
- दिव्यांग सुलभ पायाभूत सुविधा
आमदार अनिल पाटील यांच्या पाठपुराव्यामुळे आधीच ५ नवीन बसेस मिळाल्या आहेत. लवकरच अजून १० बसेस अमळनेर डेपोला मिळणार असून ग्रामीण व लांब पल्याच्या प्रवासाची गुणवत्ता वाढणार आहे.
शहर विकास आघाडीची नागरिकांना हाक – “विकासासाठी शिट्टी चिन्ह दाबा”
शहरात सुरू असलेल्या सर्व विकासकामांचा फायदा पुढील पिढ्यांपर्यंत पोहोचवण्यासाठी हा वेग कायम ठेवण्याचा संकल्प आघाडीने व्यक्त केला आहे.
लोकनियुक्त नगराध्यक्ष पदाचे उमेदवार जितेंद्र ठाकूर आणि
सर्व प्रभागातील नगरसेवक पदाच्या उमेदवारांच्या नावासमोर असलेले शिट्टी चिन्ह दाबून त्यांना विजयी करा, असे आवाहन करण्यात आले.
आघाडीच्या मते—
“अमळनेर शहराचा आजचा प्रवास हा जिल्ह्याच्या दिशेने आहे. या दृष्टीने सुरू असलेली विकासकामे दुपटीने वाढवण्यासाठी आणि शहराला संपूर्ण बदलण्यासाठी नागरिकांचे सहकार्य अत्यावश्यक आहे.”
