अमळनेर (अटकाव न्यूज) – आगामी स्थानिक स्वराज्य संस्थांच्या निवडणुकांच्या पार्श्वभूमीवर शिवसेनेकडून भक्कम संघटनात्मक तयारी सुरू असून त्याचाच एक भाग म्हणून दि. 19 जून 2025 रोजी सकाळी 8.30 वाजता रामेश्वर बु., रामेश्वर खु. आणि रामेश्वर तांडा या ठिकाणी भव्य शिवसेना सदस्य नोंदणी अभियान राबविण्यात येणार आहे. हे अभियान शिवसेनेच्या वर्धापन दिनानिमित्त आयोजित करण्यात आले आहे.
ही नोंदणी मोहीम मा. उपमुख्यमंत्री एकनाथ शिंदे साहेब यांच्या आदेशानुसार राज्यभर राबवली जात आहे. अमळनेर तालुका व जिल्हा परिषद गटात ही मोहीम मा. पालकमंत्री गुलाबरावजी पाटील, मा. आमदार दादासो अमोल चिमणरावजी पाटील, तसेच जिल्हाप्रमुख वासुदेव पाटील यांच्या मार्गदर्शनाखाली पार पडणार आहे.
या अभियानाचे आयोजन शिवसेनेचे तालुका प्रमुख सुरेश अर्जुन पाटील व शहर प्रमुख संजय कौतिक पाटील यांनी केले असून, संपूर्ण परिसरातील शिवसैनिक, कार्यकर्ते, पदाधिकारी आणि इच्छुक नागरिकांनी मोठ्या संख्येने उपस्थित राहून सदस्य नोंदणी करून संघटना बळकट करण्याचे आवाहन करण्यात आले आहे.
शिवसेनेची ही नोंदणी मोहीम आगामी ग्रामपंचायत, पंचायत समिती, जिल्हा परिषद तसेच नगरपरिषद निवडणुकांमध्ये पक्षाच्या संघटनात्मक ताकदीचे प्रदर्शन करणारी ठरणार आहे. प्रत्येक गटातील कार्यकर्त्यांपर्यंत पोहोचून त्यांना पक्षाशी अधिकृतरित्या जोडणे हा या उपक्रमाचा प्रमुख उद्देश असून, नविन युवा नेतृत्वाला संधी देण्यासाठी ही मोठी संधी ठरणार आहे.
या कार्यक्रमात स्थानिक नेतृत्वाच्या उपस्थितीत नोंदणी प्रक्रियेचे थेट मार्गदर्शन केले जाणार असून शिवसेनेच्या धोरणांबाबत माहिती देण्यासह कार्यकर्त्यांना संघटनात्मक जबाबदाऱ्या देखील दिल्या जाणार आहेत.
???? “एक नवीन ताकद, एक नवी उमेद – शिवसेना संघटन मजबूत करत पुढे जात आहे!” ????
