अमळनेर, दि. २९ मे २०२५ — अटकाव न्यूज:
अमळनेर को.ऑप. अर्बन बँकेच्या शतकमहोत्सवी वर्षानिमित्त एक भव्य सभासद-ग्राहक मेळावा व नूतनीकरण केलेल्या इमारतीचे लोकार्पण सोहळा छत्रपती शिवाजी महाराज नाट्यगृह, अमळनेर येथे दिनांक २९ मे २०२५ रोजी सकाळी ११ वाजता संपन्न होणार आहे.
या भव्य कार्यक्रमात बँकेच्या अद्ययावत सुविधांनी सजलेल्या, आधुनिक तंत्रज्ञानयुक्त आणि भव्य इमारतीचे लोकार्पण राज्याचे सहकार मंत्री ना. बाबासाहेब मोहनराव पाटील यांच्या हस्ते होणार आहे. कार्यक्रमाच्या अध्यक्षस्थानी जिल्ह्याचे पालकमंत्री ना. गुलाबराव रघुनाथ पाटील हे असतील. यावेळी प्रति पंढरपूर वाडी संस्थानचे गादीपती प.पू. ह.भ.प. संत प्रसाद महाराज यांची आशीर्वादपर उपस्थिती लाभणार आहे.
कार्यक्रमात जलसंपदा मंत्री ना. गिरीश दत्तात्रय महाजन, सांसद सौ. स्मिता उदय वाघ, तसेच माजी मदत व पुनर्वसन आपत्ती व्यवस्थापन मंत्री आमदार अनिल भाईदास पाटील यांच्या हस्ते बँकेच्या विविध दालनांचे उद्घाटन होणार आहे.
याच कार्यक्रमात आमदार श्री. अमोल चिमणराव पाटील आणि आ. श्री. सत्यजित सुधीर तांबे यांच्या हस्ते बँकेच्या विशिष्ट सभासद, ग्राहक आणि ठेवीदारांचा सन्मान करण्यात येणार आहे.
कार्यक्रमास उपस्थित राहणाऱ्या इतर मान्यवरांमध्ये माजी आमदार डॉ. बी. एस. पाटील, कृषिभूषण माजी आ. साहेबराव पाटील, माजी आ. शिरीष हिरालाल चौधरी, महाराष्ट्र राज्य सहकारी बँक असोसिएशनचे अध्यक्ष विश्वासराव जयदेव ठाकूर, महाराष्ट्र अर्बन को.ऑप. बँक फेडरेशनचे अध्यक्ष अजय ब्रम्हेचा, जळगाव जिल्हा नागरी सहकारी बँक असोसिएशनचे अध्यक्ष चंद्रहास गुजराथी, सहकार भारतीचे संघटन मंत्री दिलीप रामू पाटील, सहकार आयुक्त दीपक तावरे, विभागीय सहनिबंधक संभाजी निकम, सहकार भारती प्रशिक्षण संस्थेचे अध्यक्ष संजय बिर्ला, जिल्हा निबंधक गौतम बालसाने, अमळनेर सहाय्यक निबंधक कुणाल सोनार, आणि व्ही. एम. जगताप यांचा समावेश आहे.
या समारंभाचे आयोजन अत्यंत भव्य आणि दिमाखदार पद्धतीने करण्यात आले असून, बँकेचे चेअरमन पंकज मुंदडे, व्हाइस चेअरमन रणजित शिंदे, तसेच संचालक प्रविण जैन, लक्ष्मण महाजन, भरतकुमार ललवाणी, प्रदीप अग्रवाल, दीपक साळी, अभिषेक पाटील, प्रविण पाटील, पंडित चौधरी, मोहन सातपुते, सौ. वसुंधरा लांडगे, डॉ. मनीषा लाठी, अँड. व्ही. आर. पाटील, अँड. विजय बोरसे आणि बँकेचे व्यवस्थापक अमृत पाटील यांनी सर्व सभासद, ग्राहक, ठेवीदार व हितचिंतकांना मोठ्या संख्येने उपस्थित राहण्याचे आवाहन केले आहे.
ही अमळनेर अर्बन बँकेच्या गौरवशाली इतिहासाची साक्ष देणारी आणि सहकार क्षेत्राला बळकटी देणारी ऐतिहासिक घटना ठरणार असून, सर्वांनी या सोहळ्याचा भाग होऊन तो अविस्मरणीय करावा, असे आवाहन आयोजकांनी केले आहे.
