उपमुख्यमंत्री अजितदादा पवार यांच्या वाढदिवसानिमित्त प्रेरणादायी विशेष उपक्रम
अंतुर्ली-रंजाने (ता. अमळनेर), २२ जुलै:
महाराष्ट्र राज्याचे उपमुख्यमंत्री आणि लोकप्रिय जननेते मा. ना. श्री. अजितदादा पवार यांच्या वाढदिवसानिमित्त, विद्यार्थ्यांमध्ये आत्मभान, आत्मसन्मान आणि नेतृत्वगुण वाढवण्यासाठी प्रेरणादायी “सक्षम तू” या विशेष अभियानाचे आयोजन नवीन माध्यमिक विद्यालय, अंतुर्ली-रंजाने येथे उत्साहात करण्यात आले. या उपक्रमाने विद्यार्थ्यांच्या मनामध्ये नवचैतन्य निर्माण करत त्यांच्यामधील सुप्त क्षमतांना जागृत करण्याचा महत्वपूर्ण प्रयत्न केला.
कार्यक्रमाच्या अध्यक्षस्थानी संस्थेच्या चेअरमन सौ. तिलोत्तमा रवींद्र पाटील या होत्या. प्रमुख पाहुणे म्हणून मा. जिल्हा परिषद सदस्या सौ. जयश्रीताई पाटील, पोलीस निरीक्षक दत्तात्रय निकम साहेब , सिद्धार्थ शिसोदे, माजी सरपंच शितलताई पाटील, रंजना देशमुख, मंदाकिनी भामरे मॅडम, अलका पाटील आशाताई चावरीया, भारतीताई शिंदे, रिताताई व भारतीताई पाटील, शिवाजी दाजभाऊ, एल.टी. नाना पाटील, भागवत पाटील, मुक्तार खाटीक, समाधान धनगर, भास्कर दादा आदींची विशेष उपस्थिती लाभली.
कार्यक्रमाचे सूत्रसंचालन करताना मुख्याध्यापक आर.बी. पाटील सरांनी उपस्थित मान्यवरांचा ओघवत्या शैलीत परिचय करून दिला.
या वेळी बोलताना मान्यवरांनी “सक्षम तू” या अभियानाचे विद्यार्थ्यांच्या व्यक्तिमत्त्व विकासात असलेले महत्त्व अधोरेखित करत, नव्या पिढीला आत्मविश्वास, संवाद कौशल्ये, नेतृत्व क्षमता व संघटनशीलतेकडे वाटचाल करण्याचे प्रेरणादायी संदेश दिले. समाज घडवताना विद्यार्थ्यांनी भविष्यात नेतृत्वाची भूमिका घ्यावी, असे आवाहनही त्यांनी यावेळी केले.
कार्यक्रमादरम्यान विद्यार्थ्यांसाठी संवादमूलक सत्र, नेतृत्व विकास कार्यशाळा, प्रात्यक्षिके व प्रेरणादायी कथा यांचे आयोजन करण्यात आले. या सत्रांनी विद्यार्थ्यांना स्वतःबद्दलची जाणीव, आपल्या क्षमतेवरचा विश्वास आणि समाजात सक्रीय सहभाग घेण्याची दिशा दिली.
या उपक्रमात शिक्षक, शिक्षिका, पालक, पदाधिकारी, सामाजिक कार्यकर्ते आणि ग्रामस्थांनी उत्स्फूर्त सहभाग नोंदवत कार्यक्रमाची शोभा वाढवली. सर्वच उपस्थितांनी या अभिनव उपक्रमाचे विशेष कौतुक करत, अशा उपक्रमांची गरज अधिक प्रमाणात आहे, असे मत व्यक्त केले.
???? “सक्षम तू” अभियानातून उभारला जात आहे उद्याचा सक्षम समाज!
विद्यार्थ्यांना आत्मविश्वास, दिशा व मूल्याधिष्ठित जीवनाची प्रेरणा देणारा हा उपक्रम, एक नवा प्रकाशस्तंभ ठरला आहे. अशा सामाजिक व शैक्षणिक उपक्रमांची सतत आवश्यकता असून, त्यातूनच सुजाण, सशक्त आणि जागरूक समाजाची पायाभरणी घडते, असे सर्व स्तरातून नमूद करण्यात आले.
