अमळनेर : शैक्षणिक वारसा नसतानाही फक्त जिद्द, चिकाटी आणि मेहनतीच्या जोरावर कोल्हापूर जिल्ह्यातील आयुर्वेदिक मेडिकल कॉलेजमधून ‘B.A.M.S.’ डॉक्टर पदवी परीक्षेत उल्लेखनीय यश मिळवणाऱ्या डॉ. जयेश विजय बडगुजर यांनी अमळनेर शहरासह प्र. डांगरी या छोट्या गावाचे नाव राज्यभर उजळवले आहे. त्यांच्या या यशाने बडगुजर समाजात आणि सर्वसामान्य नागरिकांमध्ये अभिमानाची भावना निर्माण झाली आहे.
डॉ. जयेश हे अमळनेर येथील शिक्षिका सौ. लताबाई आणि सेवानिवृत्त शिक्षक, समाजसेवक श्री. विजय बंन्सिलाल शेठ बडगुजर यांचे ज्येष्ठ सुपुत्र आहेत. त्यांच्या घरात वैद्यकीय क्षेत्राचा कोणताही पूर्वीचा वारसा नसताना, त्यांनी कठोर परिश्रम, सततचा अभ्यास आणि आत्मविश्वास यामुळे हा टप्पा गाठला आहे.
एम.डी. करण्याचा निश्चय
यशाच्या या टप्प्यावरच न थांबता, डॉ. जयेश यांचा पुढे ‘एम.डी.’ करण्याचा दृढ मानस असून, त्यासाठी त्यांच्या आई-वडिलांचा संपूर्ण पाठिंबा आणि आशीर्वाद लाभत आहे. हा निर्धार आणि पालकांचा विश्वास निश्चितच त्यांना यशाच्या आणखी शिखरावर पोहोचवेल, असा विश्वास सर्वत्र व्यक्त होत आहे.
धर्म आणि समाजकार्याची पार्श्वभूमी
श्री. विजय बडगुजर सर हे “कुलस्वामिनी श्री चामुंडा माता मंदिर निर्माण समिती अमळनेर”चे सक्रीय कार्यकर्ते व बडगुजर समाज पंच मंडळाचे महत्त्वाचे सदस्य आहेत. मंदिराच्या बांधकामात त्यांनी अतीव श्रद्धा, भक्ती आणि निस्सीम परिश्रमाने सहभाग घेतला असून, त्यांच्या योगदानामुळेच मंदिराचे कार्य जोमाने पुढे जात आहे.
समाजासाठी प्रेरणादायी उदाहरण
“????प्रयत्ने वाळूचे कण रगडीता तेलही गडे????” या म्हणीप्रमाणे, डॉ. जयेश यांचे यश हे सर्व होतकरू विद्यार्थ्यांसाठी एक दीपस्तंभ ठरणार आहे. समाजातील प्रत्येक तरुणाने हे यश डोळ्यासमोर ठेवून प्रयत्नांची पराकाष्ठा करावी आणि आपल्या कुटुंबासह समाजाचे नाव उज्वल करावे, असे मत मान्यवरांनी व्यक्त केले.
अभिनंदन आणि शुभेच्छा
या उल्लेखनीय यशाबद्दल डॉ. जयेश यांना “बडगुजर समाज पंच मंडळ, अमळनेर” तसेच “कुलस्वामिनी श्री चामुंडा माता मंदिर निर्माण समिती, अमळनेर” यांच्यातर्फे हार्दिक अभिनंदन व त्यांच्या भावी आयुष्यासाठी मनःपूर्वक शुभेच्छा देण्यात आल्या आहेत.
???? डॉ. जयेश यांचे यश हे केवळ त्यांच्या कुटुंबाचे नव्हे, तर संपूर्ण समाजाचे वैभव आहे. ????
