अमळनेर |अटकाव न्यूज: भारत सरकारच्या सामाजिक न्याय व विशेष सहाय्य विभागाच्या वतीने, खासदार श्रीमती स्मिताताई वाघ यांच्या प्रयत्नाने आणि जिल्हा प्रशासन जळगाव यांच्या सहकार्याने अमळनेर तालुक्यातील ज्येष्ठ नागरिकांसाठी मोफत साहित्य वाटप व नोंदणी शिबिराचे आयोजन करण्यात आले आहे.
या शिबिरात 60 वर्षांवरील ज्येष्ठ नागरिकांना मोफत पूर्व तपासणी करून आवश्यक साहित्य (जसे की व्हीलचेअर, श्रवणयंत्र, वॉकर, ट्रायपॉड, छातीचा पट्टा, बैशाखी, कृत्रिम दात, पोर्टेबल टॉयलेट चेअर, इत्यादी) वाटप करण्यात येणार आहे.
शिबिराची तारीख व वेळ:
11 मे 2025, सकाळी 10 वाजल्यापासून ते संध्याकाळी 4 वाजेपर्यंत
स्थळ: ग्रामीण रुग्णालय, अमळनेर, जिल्हा जळगाव
ज्येष्ठ नागरिकांनी आपले आधार कार्ड व रेशन कार्ड झेरॉक्स प्रति सह उपस्थित राहावे. असे आवाहन करण्यात आले आहे.
