अमळनेर (अटकाव न्यूज ) : राज्याचे सहकार मंत्री ना. बाबासाहेब मोहनराव पाटील यांच्या हस्ते अमळनेर को.ऑप. अर्बन बँकेच्या नुतनीकरण झालेल्या इमारतीचे लोकार्पण आणि शतकमहोत्सवी वर्षानिमित्त भव्य सभासद-ग्राहक मेळावा छत्रपती शिवाजी महाराज नाट्यगृह येथे उत्साहात संपन्न झाला.
या कार्यक्रमाच्या अध्यक्षस्थानी जळगाव जिल्ह्याचे पालकमंत्री ना. गुलाबराव पाटील होते. या प्रसंगी आमदार अनिल पाटील, विविध सहकारी संस्थांचे पदाधिकारी आणि नागरिक मोठ्या संख्येने उपस्थित होते.
सहकार मंत्र्यांचे भाष्य:
ना. बाबासाहेब पाटील यांनी यावेळी बोलताना सांगितले की,
“स्व. यशवंतराव चव्हाण व पंजाबराव देशमुख यांनी पाहिलेले स्वप्न अमळनेर अर्बन बँकेसारख्या संस्थेमुळे पूर्ण झाले आहे. शंभर वर्षे पारदर्शकतेने व विश्वासार्हतेने काम करणाऱ्या अशा बँका सहकारी चळवळीचा आधारस्तंभ आहेत.”
त्यांनी नागरी बँकांसाठी विशेष धोरण आखण्याची गरज व्यक्त करत सांगितले की,
“अशा संस्थांनी ग्राहक मेळाव्यांमधून आपल्या यशोगाथा जनतेसमोर मांडल्या पाहिजेत.”
लाभांश व योजना जाहीर:
कार्यक्रमात बँकेच्या शतकमहोत्सवी वर्षानिमित्त सभासदांसाठी १०% लाभांश जाहीर करण्यात आला.
तसेच, आमदार अनिल पाटील यांच्या हस्ते ‘अमृत धनसंचय योजना’ जाहीर करण्यात आली.
पालकमंत्र्यांचे गौरवोद्गार:
पालकमंत्री ना. गुलाबराव पाटील यांनी बँकेच्या कार्याची प्रशंसा करत म्हटले,
“ग्रामीण भागात शंभर वर्ष आर्थिक सेवा देणाऱ्या अर्बन बँकेच्या संस्थापकांचे कार्य विसरता येणार नाही. आजचे संचालक मंडळही प्रशंसनीय कार्य करत आहे.”
इतर मान्यवरांचे विचार:
आ. अनिल पाटील यांनी आपल्या भाषणात अमळनेर अर्बन बँकेने ग्रामीण भागात आर्थिक स्थैर्य निर्माण करण्यात केलेल्या योगदानाचे कौतुक केले.
बँकेचे चेअरमन पंकज मुंदडे यांनी प्रास्ताविकात बँकेच्या शतकपूर्तीच्या वाटचालीचा आढावा घेत सदस्यांचे आभार मानले.
विशेष उपस्थिती:
या कार्यक्रमास महाराष्ट्र राज्य सहकारी बँक असोसिएशनचे अध्यक्ष विश्वासराव ठाकूर, महाराष्ट्र अर्बन को.ऑप. बँक फेडरेशनचे अध्यक्ष अजय ब्रम्हेचा, माजी आमदार साहेबराव पाटील, जिल्हा सहकारी बँकेचे अध्यक्ष संजय पवार, नागरी बँक असोसिएशनचे अध्यक्ष चंद्रहास गुजराथी, सहकार भारतीचे दिलीप रामू पाटील, संजय बिर्ला, जिल्हा निबंधक गौतम बलसाणे, सहाय्यक निबंधक व्ही.एम. जगताप व अन्य मान्यवर उपस्थित होते.
उद्घाटन व सत्कार:
ढोल-ताशांच्या गजरात मान्यवरांचे स्वागत करण्यात आले. बँकेच्या आवारात कोनशिला अनावरण तसेच विविध दालनांचे उद्घाटन करण्यात आले.
ज्येष्ठ सभासद, ठेवीदार व कर्जदारांचा सत्कार सन्मानपत्र देऊन करण्यात आला.
कार्यक्रमाचे सूत्रसंचालन सौ. वसुंधरा लांडगे यांनी केले.
आयोजन व यशस्वी नियोजन:
कार्यक्रमाच्या यशस्वीतेसाठी बँकेचे चेअरमन पंकज मुंदडे, व्हॉईस चेअरमन रणजित शिंदे, संचालक प्रविण जैन, लक्ष्मण महाजन, भरतकुमार ललवाणी, प्रदिप अग्रवाल, दिपक साळी, अभिषेक पाटील, प्रविण पाटील, पंडित चौधरी, मोहन सातपुते, डॉ. मनीषा लाठी, अँड. व्ही.आर. पाटील, अँड. विजय बोरसे, व्यवस्थापक अमृत पाटील, कर्मचारी, पिग्मी एजंट व माजी कर्मचारी यांनी परिश्रम घेतले.
