विकासाभिमुख कामगिरी, प्रामाणिक प्रतिमा आणि समाजकार्यातील निष्ठेमुळे मतदारांमध्ये वाढता विश्वास
अमळनेर (अटकाव न्यूज ) :
नगरपरिषद निवडणुकीची रणधुमाळी जोर धरू लागली असून प्रभाग क्रमांक 14 ब मध्ये अपक्ष उमेदवार प्रा. रामकृष्ण बापुराव पाटील यांना मिळणारा उत्स्फूर्त प्रतिसाद ही निवडणुकीतील लक्षवेधी बाब ठरत आहे. दररोज घेतल्या जाणाऱ्या प्रचार दौऱ्यांमध्ये, गृहभेटींमध्ये, विविध वयोगटातील नागरिकांशी संवाद साधताना मतदारांचा प्राध्यापक पाटील यांच्यावरील वाढता विश्वास स्पष्टपणे जाणवत आहे.
प्रा. पाटील हे उच्चशिक्षित, अनुभवी तसेच समाजकार्यात सातत्याने सक्रिय असलेले व्यक्तिमत्त्व असून विद्यार्थ्यांसाठी केलेले मार्गदर्शन, समाजघटकांमध्ये एकजूट निर्माण करण्याचे प्रयत्न आणि नागरिकांच्या गरजा ओळखून त्यावर उपाययोजना राबविण्याचे काम यामुळे त्यांची प्रतिमा सदैव स्वच्छ व विश्वासार्ह राहिली आहे.
शहरातील रस्ते, पाणीपुरवठा, नालेसफाई, नियमित स्वच्छता, सुरक्षित रस्ते प्रकाश व्यवस्था, क्रीडा उपक्रम, महिलांसाठी उपयुक्त संधी, वरिष्ठ नागरिकांसाठी सुविधा अशा अनेक विकासकामांची स्पष्ट व व्यवहार्य योजना प्रा. पाटील यांनी आपल्या प्रचार सभांमध्ये मांडली आहे. “विकासासाठी पारदर्शकता आणि निर्णय प्रक्रियेत नागरिकांचा सहभाग” हा त्यांचा मूलमंत्र असल्याचे ते नागरिकांना स्पष्टपणे सांगतात.
इस्लामपुरा, साईबाबा मंदिर परिसर, त्रिकोणी बगीचा, वसाहतीतील नागरिक, तरुण मतदार, महिला गट, स्वयंसहाय्य गटातील सदस्य, तसेच विविध समाजघटकातील लोकांनी प्रा. पाटील यांना मिळणाऱ्या वाढत्या पाठिंब्यामुळे या प्रभागात निवडणुकीची लढत अधिक रंगतदार बनली आहे. अनेक ठिकाणी “प्रा. रामकृष्ण पाटील निश्चित विजयाकडे” अशी चिन्हे आणि घोषणे नागरिक स्वतः पुढाकार घेऊन करताना दिसत आहेत.
प्रभागातील नागरिकांचे सर्वांगीण विकासाचे स्वप्न साकार करण्यासाठी, कोणत्याही पक्षाचा आधार न घेता स्वच्छ प्रतिमेच्या आधारावर लढणारा उमेदवार म्हणून प्रा. पाटील यांना मतदारांचा वाढता प्रतिसाद ही त्यांच्या कार्यक्षमतेची साक्ष मानली जात आहे.
नागरिकांची एकच भावना—
“शिक्षित, प्रामाणिक आणि कार्यक्षम नेतृत्व हवे… आणि ते म्हणजे प्रा. रामकृष्ण बापुराव पाटील!”
या जोरदार जनसमर्थनाच्या लाटेमुळे प्रभाग क्रमांक 14 ब मध्ये त्यांच्या विजयाची शक्यता प्रबळ होताना दिसत आहे.
