नागरिकांचा प्रचंड जनस्फोट; “प्रा. पाटील विजयीच” असा एकमुखी सुर
अमळनेर :-दि. 27/11/2025 रोजी प्रभाग क्रमांक 14-ब मधील अपक्ष उमेदवार, अभ्यासू, दूरदृष्टी लाभलेले लोकप्रिय नगरसेवक प्रा. रामकृष्ण बापुराव पाटील यांच्या प्रचार रॅलीला अभूतपूर्व जनसमर्थन मिळाले. परिसरातील नागरिक, युवक, महिला, ज्येष्ठ मतदार यांनी उत्स्फूर्तपणे हजेरी लावत रॅलीला ऐतिहासिक प्रतिसाद दिला. रॅलीत उसळलेल्या जनतेच्या गर्दीने संपूर्ण प्रभागात राजकीय हालचालींचे चित्रच पालटून टाकले आहे.
लोकांच्या जोशातून आणि निःशब्द मतदारांच्या मोठ्या उपस्थितीतून एक संदेश स्पष्टपणे उमटला—
“प्रा. रामकृष्ण पाटील हेच आमचे पुढील नगरसेवक… विजय अवश्य!”
शिक्षित, प्रामाणिक, अनुभवी आणि कामाच्या दांडग्या परंपरेतून घडलेले नेतृत्व म्हणून प्रा. पाटील यांना नागरिकांचा ठाम विश्वास मिळत आहे. गेल्या कार्यकाळात केलेल्या विकासकामांचा मजबूत ट्रॅकरेकॉर्ड, सर्वसामान्यांसाठी उभी असलेली त्यांच्या कार्यशैलीची प्रतिमा आणि लोकसहभागातून चालणारा विकास या गुणांमुळे त्यांचा विजय निश्चित मानला जात आहे.
रॅलीचा भव्य मार्ग
छत्रपती शिवाजी महाराजांना अभिवादन करून त्रिकोणी बगीचा परिसरातून रॅलीचा शुभारंभ झाला. त्यानंतर रॅली इस्लामपुरा, साईबाबा मंदिर, सूर्यवंशी बिल्डिंग परिसर, शिरूड नाका, बालाजीपूर, वाघ बिल्डिंग, पंचमुखी चौक, वाणी मंगल कार्यालय, कुंटे रोड, मंगला देवी चौक, बोरसे गल्ली, पाठक गल्ली, ब्रह्मे गल्ली, वाडी उतरती परिसर, सखाराम महाराज वाडी अशा विविध भागांतून विराट उत्साहात पुढे सरकत नागरिकांचे अभूतपूर्व स्वागत मिळवत गेली.
समारोपाच्या ठिकाणी नागरिकांनी प्रा. पाटील यांना भरभरून पाठिंबा दर्शवत प्रभागाच्या प्रगतीसाठी त्यांचे नेतृत्व अत्यावश्यक असल्याचे स्पष्ट केले.
जनतेचे एकमुखी मत — “आमचे नगरसेवक फक्त प्रा. पाटील!”
सर्व वयोगटातील नागरिकांनी प्रा. पाटील यांना मिळालेल्या पाठिंब्याचे एकच कारण सांगितले —
काम! प्रामाणिकपणा! आणि अनुभव!
विकासकामात सातत्य, तातडीने समस्यांचे निराकरण, लोकांचा विश्वास आणि शिक्षण क्षेत्रातील मोठा अनुभव ही त्यांची ताकद असल्याने प्रभागातील जनता ठामपणे म्हणते आहे —
“या वेळेस नाही… यापुढेही प्रभाग 14-ब चे नेतृत्व प्रा. रामकृष्ण पाटील यांच्याच हाती!”
