अमळनेर :- शैक्षणिक संकुलांसह विविध संस्थांना भेट देत नगराध्यक्ष पदाचे उमेदवार जितेंद्र ठाकूर यांची विकासदृष्टी स्पष्ट

👇समाचार सुनने के लिए यहां क्लिक करें

अमळनेर तालुका व शहर विकास आघाडीचे नगराध्यक्ष पदाचे उमेदवार जितेंद्र हरिश्चंद्र ठाकूर यांनी २६ नोव्हेंबर रोजी शहरातील विविध शैक्षणिक संकुलांना भेट देत प्रचार मोहिमेला अधिक गती दिली. विद्यार्थी, शिक्षक, पालक तसेच कर्मचाऱ्यांशी संवाद साधत शहराच्या सर्वांगीण विकासाचा रोडमॅप त्यांनी उपस्थितांसमोर मांडला.

शहरभर प्रबळ दावेदार म्हणून त्यांचा प्रचाराचा झंझावात कायम असून ते गृहभेटी, कॉर्नर सभा आणि संवाद उपक्रमांद्वारे विकासाची त्रिसूत्री—शिक्षण, पायाभूत सुविधा आणि सामाजिक प्रगती—याबाबत सविस्तर मार्गदर्शन करत आहेत.

शैक्षणिक संकुलांच्या भेटीत कौशल्याधारित शिक्षणावर भर

शैक्षणिक संस्थांच्या भेटीदरम्यान ठाकूर यांनी आधुनिक शिक्षणपद्धती, कौशल्याधारित उपक्रम, तांत्रिक प्रशिक्षण आणि विद्यार्थ्यांसाठी आवश्यक सुविधा या विषयांवर भर दिला. शहरातील शाळांमध्ये गुणवत्तापूर्ण शिक्षणाचा विस्तार, डिजिटल लर्निंग, तसेच क्रिडा व सांस्कृतिक उपक्रमांना चालना देण्याची गरज असल्याचे त्यांनी सांगितले.

उपस्थित शिक्षक आणि पालकांनीही शहरातील शिक्षणविषयक आवश्यकतेबाबत मतप्रदर्शन करत विद्यार्थ्यांसाठी सुरक्षित व सक्षम शैक्षणिक वातावरणाची मागणी केली.

ओम शांती केंद्रात महिला व ज्येष्ठांशी संवाद

दौऱ्यादरम्यान त्यांनी ओम शांती केंद्राला भेट देत महिला भगिनी, कार्यकर्त्या आणि ज्येष्ठ नागरिकांशी संवाद साधला. महिलांसाठी स्वतंत्र उपक्रम, आरोग्य तपासणी केंद्रे, सुरक्षा व्यवस्थेचा बळकटीकरण आणि स्वावलंबनविषयक कार्यक्रमांची माहिती देत त्यांनी या सर्व क्षेत्रांत प्राधान्याने कार्य करण्याची ग्वाही दिली.

आघाडीचा संकल्पनामा मांडत एकजुटीचे आवाहन

या भेटीदरम्यान ठाकूर यांनी अमळनेर तालुका व शहर विकास आघाडीचा संकल्पनामा सविस्तरपणे मांडला. शहरातील नागरिकांनी सर्व उमेदवारांना विजयी करून एकजुटीने विकासाची दिशा कायम ठेवावी, असे आवाहन त्यांनी केले. शहरातील पायाभूत सुविधा, स्वच्छता, शिक्षण, आरोग्य व रोजगाराच्या संधी वाढवण्यासाठी ही आघाडी कटिबद्ध असल्याचे त्यांनी स्पष्ट केले.

अमळनेरमध्ये विकासाच्या नव्या युगाची पायाभरणी करण्यासाठी नागरिकांनी मोठ्या उत्साहाने प्रतिसाद देत असल्याचे या दौऱ्यातून दिसून आले.

Atkav News
Author: Atkav News

Leave a Comment

और पढ़ें