अमळनेर :-(अटकाव न्यूज )
अमळनेर नगरपरिषद निवडणुकीची हवा चांगलीच चढत असताना अमळनेर तालुका व शहर विकास आघाडीला विविध समाजघटकांसह नागरिकांचा वाढता पाठिंबा मिळत आहे. त्यात आता आणखी तीन अपक्ष उमेदवारांनी लेखी निवेदन देत आघाडीला जाहीर पाठींबा दिला असून निवडणूक समीकरणात हा महत्त्वाचा टप्पा मानला जात आहे.
१५ अ आणि १५ ब मधील अपक्ष उमेदवारांचा पाठिंबा
प्रभाग क्रमांक १५ ब मधील महिला राखीव पदासाठी अपक्ष म्हणून उभी असलेल्या रंजना संजय पाटील यांनी त्यांचा अर्ज मागे घेत आघाडीला पाठिंबा जाहीर केला आहे.
तर प्रभाग क्रमांक १५ अ मधील सर्वसाधारण पुरुष जागेसाठी अपक्ष उमेदवारी दाखल करणारे भूषण विनेश निकम (पाटील) यांनीही विकासाच्या मुद्द्यावर एकमत दर्शवत पाठिंबा दिला.
दोन्ही उमेदवारांनी आमदार अनिल पाटील यांच्या विनंतीचा मान राखत प्रभागातील आघाडीच्या उमेदवार जयश्री अनिल पाटील, विनोद मधुकर कदम, तसेच नगराध्यक्ष पदाचे अधिकृत उमेदवार जितेंद्र ठाकूर यांना खुले समर्थन जाहीर केले.
अपक्ष उमेदवाराचा पक्षप्रवेशासह पाठिंबा
प्रभाग क्रमांक ४ मधील अपक्ष उमेदवार इकबाल शेख यांनी शहर विकास आघाडीचे उमेदवार इमरान खाटिक यांना जाहीर पाठिंबा दिला आहे.
विशेष म्हणजे, त्यांनी आमदार अनिल पाटील यांच्या उपस्थितीत राष्ट्रवादी काँग्रेस पक्षात प्रवेश केला.
या प्रसंगी इम्रान खाटिक, तालुकाध्यक्ष भागवत पाटील, अल्पसंख्याक सेलचे तालुकाध्यक्ष अलीम मुजावर, शहराध्यक्ष कलीम शेख आदी मान्यवर उपस्थित होते.
आघाडीची ताकद दिवसेंदिवस वाढताना दिसते
शहर विकास आघाडीच्या नेत्यांचे विकासाचे व्हिजन, शहरासाठी आखलेले प्रकल्प तसेच सातत्याने केलेली जनसंपर्क मोहीम यांना मतदारांकडून मोठा प्रतिसाद मिळत आहे.
अपक्ष उमेदवारांच्या वाढत्या पाठींब्यामुळे आघाडीची ताकद अधिक बळकट होत असून निवडणुकीत एकतर्फी विजयाची वाट मोकळी होत असल्याचे चित्र निर्माण झाले आहे.
