जितेंद्र (जितू) ठाकूर यांनी नगराध्यक्षपदासाठी उमेदवारी जाहीर केली
(अटकाव न्यूज- हितेंद्र जे बडगुजर)
अमळनेर :- आगामी स्थानिक स्वराज्य निवडणुकांच्या पार्श्वभूमीवर अमळनेर शहरातील राजकारणात नवा उत्साह आणि चैतन्य निर्माण करणारी घडामोड समोर आली आहे. सामाजिक क्षेत्रात प्रामाणिक, संवेदनशील आणि जनतेच्या मनात स्थान मिळवलेले कार्यकर्ते जितेंद्र हरिश्रृंद्र ठाकूर (उर्फ जितू ठाकूर) यांनी नगराध्यक्षपदासाठी इच्छुक उमेदवारी जाहीर केली आहे. त्यांच्या या निर्णयामुळे शहरातील नागरिक, कार्यकर्ते आणि युवकवर्गामध्ये उत्सुकतेचे वातावरण निर्माण झाले आहे.
जितू ठाकूर हे गेल्या अनेक वर्षांपासून सामाजिक आणि जनसेवेसाठी तत्पर राहिले आहेत. समाजातील सर्वसामान्य घटकांपर्यंत मदतीचा हात पोहोचवण्याचे त्यांनी आपले ध्येय मानले आहे. गरीब-श्रीमंत, धर्म-पंथ न पाहता प्रत्येक घटकाच्या अडचणींमध्ये ते सहभागी होतात. गोरगरिबांच्या दुःखात सहभागी होणारा, आनंदाच्या क्षणी त्यांच्या पाठीशी उभा राहणारा, आणि समस्येच्या वेळी तत्काळ धाव घेणारा असा त्यांचा स्वभाव आहे.
अत्यंत साध्या कुटुंबातून आलेले ठाकूर यांनी समाजकारणाच्या माध्यमातून जनतेत विश्वास निर्माण केला आहे. त्यांच्या प्रामाणिकपणामुळे, शांत पण प्रभावी कामशैलीमुळे आणि लोकसंपर्काच्या भक्कम जाळ्यामुळे ते एक वेगळेच नेतृत्व म्हणून ओळखले जातात. “प्रामाणिक दृष्टिकोन, जनतेचा विश्वास आणि विकासाचे वचन” हे त्यांचे ब्रीदवाक्य असून याच तत्त्वांवर ते आगामी नगराध्यक्षपदाच्या निवडणुकीत उतरणार असल्याचे त्यांनी जाहीर केले आहे.
गेल्या काही वर्षांत त्यांनी शहरातील विविध सामाजिक उपक्रम राबवले आहेत. गरजू विद्यार्थ्यांसाठी शैक्षणिक मदत, रुग्णांना उपचारासाठी सहाय्य, रक्तदान शिबिरे, स्वच्छता मोहिमा, जलसंधारण उपक्रम, तसेच तरुणांसाठी रोजगार मार्गदर्शन यांसारख्या अनेक जनहितकारी उपक्रमांत त्यांनी आघाडी घेतली आहे.
त्यांच्या या कार्यामुळे अमळनेरातील जनतेत “लोकांशी जोडलेला आणि जनतेसाठी लढणारा नेता” अशी ओळख तयार झाली आहे.
नगरातील अनेक नागरिक आणि स्थानिक सामाजिक संस्थांनी ठाकूर यांच्या निर्णयाचे स्वागत केले आहे. “अमळनेरच्या विकासासाठी प्रामाणिक, निडर आणि जनतेच्या हिताचा विचार करणारे नेतृत्व गरजेचे आहे. त्या दृष्टिकोनातून जितू ठाकूर हे योग्य उमेदवार ठरू शकतात,” असे मत स्थानिक नागरिकांनी व्यक्त केले.
राजकारणात अनेक वर्षांचा अनुभव असलेल्या ठाकूर यांनी नेहमीच सकारात्मक, विकासाभिमुख आणि सर्वसमावेशक दृष्टिकोन ठेवला आहे. त्यांच्या कार्यपद्धतीत “दाखवण्यापेक्षा करण्याला” अधिक महत्त्व आहे, असे त्यांना जवळून ओळखणारे सांगतात. शहरातील पाणी, रस्ते, आरोग्य, शिक्षण आणि तरुणांसाठी संधी निर्माण करणे हे त्यांच्या भविष्यातील प्राधान्यक्रमात आहे.
अमळनेरच्या राजकीय वर्तुळात आता चर्चा सुरू झाली आहे की, प्रामाणिकतेचा चेहरा म्हणून ओळखले जाणारे जितू ठाकूर नगराध्यक्षपदासाठी किती प्रभावी ठरतील?
आगामी काही दिवसांत त्यांच्या अधिकृत उमेदवारीची घोषणा होण्याची शक्यता आहे आणि त्यामुळे शहरातील राजकीय तापमान अधिक वाढण्याची चिन्हे आहेत.
