शिरुड (ता. अमळनेर) – “झाड आपल्या कुटुंबाचा भाग आहेत” या प्रेरणादायी संदेशाला प्रत्यक्ष कृतीत उतरवत, व्ही. झेड. पाटील हायस्कूल शिरुड येथे झाडांचा पहिला वाढदिवस मोठ्या उत्साहात साजरा करण्यात आला. स्थानिक पर्यावरणप्रेमी डी. ए. धनगर सर यांच्या संकल्पनेतून व शालेय समिती अध्यक्षा श्रीमती पुष्पलता अशोक पाटील यांच्या अध्यक्षतेखाली हा उपक्रम राबविण्यात आला.
कार्यक्रमाचे प्रमुख पाहुणे म्हणून शालेय समिती सदस्य काळू नाना पाटील, वसंत भगवान पाटील, विजयानंद बोरसे, पूंजू एकोबा पाटील, दिलीप पाटील सर, डी. ए. धनगर, योजना पाटील मॅडम, मुख्याध्यापक अनिल सूर्यवंशी, अतुल सोनवणे यांच्यासह सर्व शिक्षक व विद्यार्थी उपस्थित होते.
झाडांचा वाढदिवस साजरा करताना फुगे, बलून आणि राखी बांधून मान्यवरांच्या हस्ते वृक्षपूजन करण्यात आले. विद्यार्थ्यांनी गेल्या वर्षभर काळजीपूर्वक संगोपन केलेल्या झाडांचा हा पहिला वाढदिवस साजरा होत असल्याने त्यांच्या चेहऱ्यावर आनंद ओसंडून वाहत होता.
“वृक्षवल्ली आम्हा सोयरे वनचरे” या भावनेला उजाळा देत या उपक्रमातून विद्यार्थ्यांमध्ये पर्यावरणाबद्दलची संवेदनशीलता वाढविण्याचा संदेश देण्यात आला. सध्याच्या काळातील पावसाची अनियमितता, निसर्गाचा लहरीपणा यावर उपाय म्हणून वृक्ष लागवड व संवर्धनाचे महत्त्व पटवून देण्यात आले. विद्यार्थ्यांना स्वच्छ व शुद्ध हवा मिळवण्यासाठी झाडांचे जतन व संगोपन किती आवश्यक आहे याची जाणीव करून देण्यात आली.
कार्यक्रम यशस्वीतेसाठी शिक्षक पी. जी. निकम, मंगलसिंग जाधव, श्रीमती योगिता देशमुख, गुलाब बोरसे, भूषण सोनवणे तसेच शिक्षकेतर कर्मचारी अरुण पाटील, राहुल लांडगे व ‘झाडे जगवणारे विद्यार्थी’ यांनी विशेष मेहनत घेतली. पर्यावरण संवर्धनाचा संदेश देणारा हा अभिनव उपक्रम परिसरातील नागरिकांनीही कौतुकाने गौरवला.
