जळगाव (प्रतिनिधी) –
राष्ट्रवादी काँग्रेस पक्षाच्या सोशल मीडिया विभागाच्या जळगाव लोकसभा जिल्हा कार्याध्यक्षपदी ज्ञानदीप सांगोरे यांची तर जिल्हा उपाध्यक्षपदी करण साळुंखे यांची नुकतीच नियुक्ती करण्यात आली आहे.
गुरुवार, दिनांक ३ जुलै २०२५ रोजी राष्ट्रवादी काँग्रेस पक्षाचे प्रदेशाध्यक्ष मा. सुनीलजी तटकरे आपल्या विविध सेलच्या प्रदेशाध्यक्षांसह जळगाव जिल्हा दौऱ्यावर होते. या दौऱ्याच्या पार्श्वभूमीवर पक्षाच्या संघटनात्मक बांधणीसाठी व सोशल मीडियाच्या कार्यप्रभावीतेसाठी करण्यात आलेल्या या निवडीचे औपचारिक उद्घाटन त्यांच्या हस्ते पार पडले.
या नियुक्तीवेळी माजी मंत्री अनिल पाटील, युवक प्रदेशाध्यक्ष सुरज चव्हाण, जळगाव जिल्हाध्यक्ष संजय पवार तसेच सोशल मीडिया विभागाचे जिल्हाध्यक्ष सनी गायकवाड आदी मान्यवर उपस्थित होते.
या निवडीनंतर नव्याने नियुक्त झालेल्या पदाधिकाऱ्यांनी पक्षाच्या ध्येय-धोरणांचा प्रचार सोशल मीडियाच्या माध्यमातून अधिक व्यापक पद्धतीने करण्याचा निर्धार व्यक्त केला. तसेच आगामी स्थानिक स्वराज्य संस्थांच्या निवडणुकांमध्ये सोशल मीडिया विभाग प्रभावी भूमिका बजावेल, असा विश्वासही त्यांनी यावेळी व्यक्त केला.
नव्या नेतृत्वामुळे सोशल मीडिया विभागाच्या कार्यक्षमतेत वाढ होईल, असा विश्वास पक्षाच्या वरिष्ठ नेतृत्वाने व्यक्त केला आहे.
