
शिरूड (ता. अमळनेर ) – ग्रामविकास शिक्षण संस्था, मुडी संचलित व्हि. झेड. पाटील हायस्कूल, शिरूड यांनी यंदाही आपली यशाची परंपरा कायम ठेवत इयत्ता दहावीचा निकाल १००% लागवून एक उत्कृष्ट कामगिरी केली आहे. यावर्षी एकूण ३२ विद्यार्थी परीक्षेस प्रविष्ट झाले होते आणि सर्व ३२ विद्यार्थी यशस्वीपणे उत्तीर्ण झाले आहेत.
गुणांच्या आधारे पुढील विद्यार्थ्यांनी क्रमवारीत स्थान मिळवले आहे:
- प्रथम क्रमांक:
कुमारी रोहिणी नंदलाल कुंभार – ८९.६०%
निखिल रवींद्र माळी – ८९.६०% (सहप्रथम) - द्वितीय क्रमांक:
कुमारी आदिती दिलीप पाटील – ८९.००% - तृतीय क्रमांक:
कुमारी भाविका प्रकाश पाटील – ८८.६०%
या विद्यार्थ्यांनी आपल्या अथक परिश्रमांद्वारे आणि शिक्षकांच्या मार्गदर्शनाने हे घवघवीत यश मिळवले आहे. शाळेच्या शत-टक्के निकालामुळे संपूर्ण गावात आनंदाचे वातावरण आहे.
या यशाबद्दल शालेय समितीच्या अध्यक्षा श्रीमती पुष्पलता अशोक पाटील यांनी सर्व यशस्वी विद्यार्थ्यांचे, पालकांचे व शिक्षकांचे अभिनंदन केले आहे. तसेच विद्यालयाचे मुख्याध्यापक श्री. अनिल शिवाजी सूर्यवंशी यांनी देखील सर्व विद्यार्थ्यांचे आणि शिक्षकवृंदाचे कौतुक करून त्यांच्या पुढील वाटचालीस शुभेच्छा दिल्या आहेत.
शाळेतील सर्व शिक्षक, शिक्षकेतर कर्मचारी आणि शालेय समितीचे सदस्य यांनी विद्यार्थ्यांच्या मेहनतीचे आणि यशाचे मनापासून स्वागत केले. हे यश केवळ विद्यार्थ्यांचेच नव्हे, तर संपूर्ण शाळेच्या एकजुटीचे फलित आहे.









