अमळनेर |अटकाव न्यूज : हितेंद्र बडगुजर :
गुरुदत्त एज्युकेशन सोसायटी संचलित नवीन माध्यमिक विद्यालय, अंतुरली-रंजाणे (ता. अमळनेर) या ग्रामीण भागातील शैक्षणिक संस्थेने यंदाही आपली गुणवत्तेची परंपरा कायम ठेवत इयत्ता 10 वीच्या शालांत परीक्षेमध्ये शंभर टक्के निकाल लागवून एक उज्वल यश संपादन केले आहे.
शैक्षणिक वर्ष 2024 – 25 मध्ये घेण्यात आलेल्या इ. 10 वी परीक्षेत कु. साक्षी विजय पाटील हिने 85.60% गुण मिळवून प्रथम क्रमांक पटकावला. तिच्या पाठोपाठ कु. भाग्यश्री राजू शिरसाठ हिने 84% गुण मिळवत द्वितीय क्रमांक, तर कु. तृप्ती भागवत पाटील हिने 83.40% गुणांसह तृतीय क्रमांक मिळवला. या गुणवंत विद्यार्थ्यांचे कष्ट, शिक्षकांचे मार्गदर्शन व पालकांचे सहकार्य यामुळे हे यश शक्य झाले.
या अभूतपूर्व यशाबद्दल संस्थेच्या अध्यक्षा ताईसाहेब सौ. तिलोत्मा रविंद्र पाटील, सचिव बापूसाहेब रविंद्र विनायक पाटील, शाळेचे मुख्याध्यापक श्री. आर. बी. पाटील सर, तसेच सर्व शिक्षक व शिक्षकेतर कर्मचारी यांनी विद्यार्थ्यांचे मनःपूर्वक अभिनंदन केले. त्यांनी सांगितले की, “शाळेच्या ग्रामीण पार्श्वभूमी असूनही आमच्या विद्यार्थ्यांनी सातत्याने गुणवत्तापूर्ण निकाल दिले आहेत. हे आमच्या शाळेच्या एकात्मिक प्रयत्नांचे फलित आहे.”
शाळेतील सर्वच विद्यार्थ्यांनी समाधानकारक गुणांनी उत्तीर्ण होत १००% निकालाची परंपरा जपली आहे. या यशाबद्दल गावकरी, पालक आणि माजी विद्यार्थी वर्गात आनंदाचे वातावरण आहे.
या यशस्वी विद्यार्थ्यांना पुढील शैक्षणिक वाटचालीसाठी हार्दिक शुभेच्छा देत शाळेने पुढील वर्षीही अशाच प्रकारचे घवघवीत यश मिळवण्याचा संकल्प केला आहे.
