सहायक अभियंता ४५०० रुपयांची लाच घेताना रंगेहात ताब्या
- जळगाव ( चोपडा ): विज मिटर बसवून देण्यासाठी ५५०० रुपयांची लाच मागणाऱ्या आणि तडजोडीनंतर ४५०० रुपये स्वीकारणाऱ्या चोपडा येथील सहायक अभियंत्याला लाचलुचपत प्रतिबंधक विभागाच्या (ACB) पथकाने रंगेहात पकडले. ही कारवाई दिनांक १२ मार्च २०२५ रोजी करण्यात आली.
घटनाक्रम:
चोपडा तालुक्यातील तक्रारदार यांनी आपल्या घरासाठी नवीन वीज मीटर बसविण्याची विनंती संबंधित वीज विभागाकडे केली होती. मात्र, सहायक अभियंता अमित दिलीप सुलक्षणे (वय ३५, चोपडा शहर कक्ष २, महावितरण) यांनी यासाठी ५५०० रुपयांची लाच मागितल्याची तक्रार तक्रारदाराने ११ मार्च २०२५ रोजी लाचलुचपत प्रतिबंधक विभाग, जळगाव येथे दिली.
ACB पथकाने तक्रारीची पडताळणी केली असता अभियंत्याने तडजोडीनंतर ४५०० रुपये लाच घेण्यास सहमती दर्शवली. त्यानुसार, नियोजन करून १२ मार्च रोजी सापळा रचण्यात आला. तक्रारदाराकडून लाच घेताच अमित सुलक्षणे यांना रंगेहात अटक करण्यात आली.
आरोपीविरुद्ध गुन्हा दाखल
याप्रकरणी चोपडा शहर पोलीस ठाण्यात भ्रष्टाचार प्रतिबंधक कायद्यांतर्गत गुन्हा दाखल करण्यात आला आहे. तसेच, आरोपींच्या वरिष्ठ अधिकाऱ्यांना याबाबत अहवाल देण्यात आला आहे.
कारवाई करणारे अधिकारी आणि पथक:
मार्गदर्शक अधिकारी: मा. श्रीमती शर्मिष्ठा घारगे-वालावलकर, पोलीस अधीक्षक, लाचलुचपत प्रतिबंधक विभाग, नाशिक परीक्षेत्र.
पर्यवेक्षण अधिकारी: श्री. योगेश ठाकूर, पोलीस उपअधीक्षक, जळगाव विभाग.
सापळा आणि तपास अधिकारी: श्रीमती नेत्रा जाधव, पोलीस निरीक्षक, लाचलुचपत प्रतिबंधक विभाग, जळगाव.
सापळा पथक: श्रेणी पोलीस उपनिरीक्षक दिनेशसिंग पाटील, पोलीस कॉन्स्टेबल प्रणेश ठाकूर, पो. ना. मराठे, पो. ना. राकेश दुसाने.
सर्व नागरिकांना आवाहन:
कोणत्याही शासकीय अधिकारी किंवा कर्मचाऱ्याने तुमच्या कामासाठी लाचेची मागणी केल्यास त्वरित लाचलुचपत प्रतिबंधक विभाग, जळगाव येथे संपर्क साधावा.
टोल फ्री क्रमांक – 1064
– लाचलुचपत प्रतिबंधक विभाग, जळगाव.
