मागासवर्गीय प्राध्यापक संघटनेच्या जळगाव जिल्हा पूर्व अध्यक्षपदी डॉ. साहेब पडलवार आणि पश्चिम विभागीय अध्यक्षपदी डॉ. राहुल निकम यांची निवड

👇समाचार सुनने के लिए यहां क्लिक करें

मागासवर्गीय प्राध्यापक संघटनेच्या जळगाव जिल्हा पूर्व अध्यक्षपदी डॉ. साहेब पडलवार आणि पश्चिम विभागीय अध्यक्षपदी डॉ. राहुल निकम यांची निव

अमळनेर – उत्तर महाराष्ट्र विद्यापीठीय व महाविद्यालयीन मागासवर्गीय प्राध्यापक संघटनेचा भव्य मेळावा जळगाव येथील हॉटेल के.पी. प्राईड येथे उत्साहात संपन्न झाला. या मेळाव्याच्या अध्यक्षस्थानी संघटनेचे केंद्रीय अध्यक्ष प्रा. डॉ. जयवंत मगर होते. या प्रसंगी संघटनेचे माजी अध्यक्ष प्रा. डॉ. बी. ए. संदानशिव, केंद्रीय सचिव डॉ. अनिल हिवाळे, डॉ. संतोष सुरडकर, माजी जिल्हाध्यक्ष डॉ. योगेश महाले, प्रा. डॉ. राहुल निकम आदी मान्यवर उपस्थित होते.

नवीन पदाधिकाऱ्यांची सर्वानुमते निवड

यावेळी जळगाव जिल्ह्याच्या नवनिर्वाचित अध्यक्षांची व अन्य पदाधिकाऱ्यांची सर्वानुमते निवड करण्यात आली. जळगाव जिल्हा पूर्व विभागाचे अध्यक्ष म्हणून नूतन महाविद्यालय, जळगाव येथील प्रा. डॉ. साहेब पडलवार यांची तर सचिव म्हणून प्रा. डॉ. अशोकराव चित्ते यांची निवड करण्यात आली. तसेच, जळगाव जिल्हा पश्चिम विभागाचे अध्यक्ष म्हणून समाजकार्य महाविद्यालय, चोपडा येथील प्रा. डॉ. राहुल निकम यांची तर सचिव म्हणून प्रा. डॉ. अभिषेक धांडे, चाळीसगाव यांची निवड करण्यात आली.

यावेळी जळगाव जिल्हा कार्यकारणी व तालुका कार्यकारणी पदाधिकाऱ्यांची निवड करण्यात आली. सर्व नवनिर्वाचित पदाधिकाऱ्यांचा मान्यवरांच्या हस्ते सन्मान करण्यात आला. यावेळी नव्या जबाबदाऱ्या स्वीकारताना पदाधिकाऱ्यांनी संघटनात्मक कार्यासाठी कटिबद्ध राहण्याचा निर्धार व्यक्त केला.

संघटनेच्या भविष्यातील वाटचालीवर चर्चा

संघटनेचे केंद्रीय अध्यक्ष प्रा. डॉ. जयवंत मगर यांनी अध्यक्षीय भाषणातून संघटनेसमोरील आव्हाने आणि त्यावर उपाययोजना यावर मोलाचे मार्गदर्शन केले. त्यांनी संघटनेच्या पुढील वाटचालीबाबत मार्गदर्शन करताना प्राध्यापकांच्या हक्कांसाठी संघटित राहण्याचे आवाहन केले.

संघटनेचे केंद्रीय सचिव डॉ. अनिल हिवाळे यांनी मागील तीन वर्षांतील संघटनात्मक कार्याचा अहवाल सादर केला. उपस्थित प्राध्यापकांनीही आपली मनोगते व्यक्त करत संघटनेच्या कार्याबद्दल अभिप्राय मांडला.

या मेळाव्याला जिल्हाभरातून 160 हून अधिक प्राध्यापकांनी हजेरी लावली. कार्यक्रमाचे सूत्रसंचालन प्रा. डॉ. राहुल निकम यांनी केले, तर आभार प्रदर्शन प्रा. डॉ. योगेश महाले यांनी केले.

-✍️ प्रतिनिधी

Atkav News
Author: Atkav News

Leave a Comment

और पढ़ें