ज्ञानदेव मुक्ताई, ग्रुप मारवड यांचेतर्फे ‘ वाट माहेरची ‘ कार्यक्रमाचे आयोजन
वाट लागे माहेरची पाय चाले भरभर – – येता माय ची आठवण मन फिरे घरघर
अमळनेर: (अटकाव न्यूज – हितेंद्र बडगुजर)- मारवड येथे माय माहेरच्या आठवणींना उजाळा देण्यासाठी सर्वच माहेरवाशिणींना एकत्र बोलावुन मारवड येथिल माहेरवाशिण तसेच मारवडला शिकण्यासाठी आलेल्या सर्व सखींना एकत्र भेटण्याचा आनंददायी योग दि.4 नोव्हेंबर वार सोमवार रोजी’ वाट माहेरची ‘ या कार्यक्रमाच्या निमित्ताने येणार आहे. गावातील सर्वच वयोगटाच्या माहेरवाशिण महिलांसाठी हा कार्यक्रम ज्ञानदेव — मुक्ताई ग्रुप मारवड यांचेतर्फे आयोजित केला आहे. कार्यक्रमातील रॅलित विविध कर्तबगार महिलांच्या वेशभूषा साकारल्या जाणार आहेत.सु. हि. मुंदडे हायस्कुल च्या प्रांगणात सकाळी 8.०० ते दुपारी 4 या वेळेत विविध सांस्कृतिक कार्यक्रम, कथाकथन, नृत्य, कलागुणदर्शन, व लकी ड्रॉ इ. चे आयोजन करण्यात आले आहे. कार्यक्रमाच्या निमित्ताने माय माहेरच्या आठवणी व बालपणीच्या सर्व मैत्रिणिंना भेटण्याचा दुग्धशर्करा योग येणार असल्याने माहेरवाशिणींकडून कार्यक्रमास भरगच्च प्रतिसाद मिळत आहे.कार्यकमाच्या यशस्वितेसाठी ज्ञानदेव मुक्ताई, ग्रुप मारवड यांचेतर्फे नियोजन केले आहे.
