![](https://atkavnews.com/wp-content/uploads/2024/02/img-20240202-wa00241126193406647289079-1024x1024.jpg)
अमळनेर: येथिल विद्रोहीच्या मराठी साहित्य संमेलनाच्या पूर्वसंधेला २ फेब्रुवारी रोजी परिवर्तन संस्था निर्मित साहित्य अकादमी पुरस्काराने सन्मानित श्रीकांत देशमुख लिखित नाट्य रूपांतर ”नली ‘ नाट्य प्रयोग सायंकाळी ७ वाजता विद्रोहाच्या मंचावर आयोजित करण्यात आला आहे. महाराष्ट्र, गोवा, बंगलोर व मध्यप्रदेशात नली चे ८६ प्रयोग झालेले आहेत.
परिवर्तन जळगाव या संस्थेने या नाट्य प्रयोगाची निर्मिती केली आहे. साहित्य अकादमी पुरस्काराने सन्मानित श्रीकांत देशमुख यांच्या नलिनी देवराव या व्यक्तिचित्राचं नाट्यरूपांतर म्हणजे “नली” हे एकलनाट्य आहे. या नाट्यप्रयोगात अबोध मनातील प्रेमाची गोष्ट प्रेक्षकांच्या समोर येत असतांना गावखेड्यातल्या महिलांचं जगणं, ग्रामीण भागातील महिलांचे प्रश्न, जातीव्यवस्थेतील महिलांचं स्थान, गावगाड्यातील सामाजिक संरचना तसेच खेड्यातली कुटुंबव्यवस्था, शिक्षण आणि शेती संस्कृतीतील अनेक प्रश्नांवर हे एकलनाट्य भाष्य करतं.
नली एकलनाट्याचा प्रयोग महाराष्ट्रभर होताहेत. आतापर्यंत या एकलनाट्याचे महाराष्ट्र, गोवा, बंगलोर व मध्यप्रदेशासह एकूण ८६ प्रयोग झाले आहेत.मूळ लेखक श्रीकांत देशमुख
नाट्य रूपांतर शंभू पाटील यांनी केले कलावंत हर्षल पाटील प्रमुख भूमिका सकारतील. दिग्दर्शक योगेश पाटील, पार्श्वसंगीत मंगेश कुलकर्णी, प्रकाश योजना अक्षय नेहे, वेशभूषा मंजुषा भिडे यांची तर कविता वाचक स्वर नयना पाटकर यांचा असेल.तर
निर्मिती प्रमुख पुरुषोत्तम चौधरी, नारायण बाविस्कर हे आहेत.
महाराष्ट्र भर गाजणारा हा एकल नाट्य प्रयोग अमळनेरकरांसाठी व साहित्य नगरीत येणाऱ्या रसिक श्रोत्यांना एक वेगळी पर्वणी ठरणार आहे.या नाट्य पर्वणीचा लाभ नागरिकांनी घ्यावा असे आवाहन स्वागताध्यक्ष श्याम पाटील,मुख्य संयोजक प्रा.लिलाधर पाटील,मुख्य समन्वयक प्रा.अशोक पवार,निमंत्रक
रणजित शिंदे यांचेसह संयोजन समितीचे कार्याध्यक्ष मुकुंद सपकाळे
समन्वयक करीम सालार
संयोजक डॉ.मिलिंद बागुल,अविनाश पाटील,लीना राम पवार,प्रशांत निकम, स्थानिक समिती अध्यक्ष गौतम मोरे,कोषाध्यक्ष बापूराव ठाकरे,महिला समन्वयक वैशाली शेवाळे आदींनी केले आहे.